نناقش اليوم : نصيحه للسادة الموردين ومقدمى الخدمات.
السادة الموردين ومقدمى الخدمات والمبيعات Suppliers, Vendors or Services Providers
لما ببعت لحضرتك طلب عرض اسعار RFQ او RFP برجاء ساعدنا فى التالى : –
ياريت عرض السعر يكون مختوم ومعموله سكان محترم مش متصور بالتليفون
(ده بيخلى الناس بتاعت المشتريات ممكن ما تشتغلش معاك) او ممكن يكون PDF ويفضل يكون من ايميل شركة.
– الاهتمام بالعرض شكلا وموضوعا. – تأكيد ان عرض السعر شامل الضريبة أوغير شامل الضريبة.
– فترة التوريد ياريت تاكد عليها (بلاش بالاتفاق دى) مش بروفيشنال خالص.
– صلاحية العرض (بلاش يوم واحد دى) محدش فى المشتريات هايلحق يشتغل.
– لو فيه بدائل للبنود المكتوبة ابعتها وعرفهم انها بديل للمطلوب.
-شروط الدفع (معظمنا يفضل يشتغل أجل) الا فى بعض الاحيان وللضرورة ، فلو تقدر تخليها أجل هايعلى نسبة
اختيارك فى التقييم العام.
– يفضل ارفاق صورة من السجل التجارى والبطاقة الضريبية مع العرض لو اول مرة نشتغل سوا.
– تحديد فترة الضمان ان وجد.
– كل ما كان العرض مفهوم وواضح هايسهل علينا الشغل.
– بعد ارسال عرض الاسعار يرجى المتابعة بعد يومين على الاقل.
– ماتزعلش لو مارسيش عليك حاجة ، اعمل اللى عليك والرزق بتاع ربنا وتابع معاهم لو فيه حاجة قريبة.
– لو رسيت عليك حاجة صغيرة من اللى انت باعتها خدها ونفذها ممكن جدا نكون بنجربك ومانعرفش شغلك لسة.
– اسال عن سعرك مقارنة بالسوق واسأل اللى انت بعتله اسعارك كانت عالية فى ايه واتعلم الحتة دى فى العرض اللى جاى.
لو فيه حاجات تانية نسيتها ممكن نفكر بعض بيها.
استعرضنا اليوم فكرة جديدة بعنوان ” نصيحه للسادة الموردين ومقدمى الخدمات ” وننتظر التعليقات .
اقرأ الي :–
