نناقش اليوم : انك بتحكم علي نفسك وتقول انك فاشل ونحن نقول ” متحكمش على نفسك بإنك فاشل ”

عادل جرى 5 كيلو في 25 دقيقة، مصطفى جرى 5 كيلو في 35 دقيقة

مين أسرع وأقوى وأفضل بدنيا؟

عادل طبعًا!

برافو ..

عادل جرى الـ 5 كيلو داخل استاد وعلى نجيلة وأرض مجهّزة

مصطفى جرى الـ 5 كيلو على الشاطئ على أرض رملية

مين أسرع وأقوى وأفضل بدنيًا؟

ممم .. جايز الإتنين متعادلين

طيب .. عادل عنده 23 سنة

مصطفى عنده 45 سنة

مين أسرع وأقوى وأفضل بدنيًا؟

مصطفى

طيب .. عادل وزنه 73 كيلو

مصطفى وزنه 85 كيلو

عادل معافى .. مصطفى عنده رباط صليبي

عادل دي عاشر مرة يجرب يجري المسافة دي

مصطفى أول مرة ..

وهكذا

كل ما نعرف عن مصطفى أكتر .. كل ما هنديله

إيه رأيك فينا لما حكمنا بأفضلية عادل على مصطفى من أول سؤال فوق؟

كنا أغبيا وسطحيين .. صح؟

كذلك هو نفس الغباء والسطحية لما تقارن نفسك بأي حد

كل واحد بيئته مختلفة والفرص اللي بتقابله في الحياة مختلفة .. وأسرته مختلفة

وقدره مختلف .. مينفعش تحكم على نفسك إنك متأخر عشان حد في سنك سبقك

ممكن تكون إنت اللي سابق بحسب المعطيات اللي في حياتك .. وهو الللي متأخر

متحكمش على نفسك بإنك فاشل عشان غيرك جاب مجموع أعلى أو اتوظف في وظيفة أحسن

أو إشترى عربية واتجوز وبينزل صوره في المصيف وإنت لسه بتقول يا هادي

ممكن والله إنت اللي سابقه بكتير ..

واحد طلع على الدنيا يتيم وهو المسؤول الأول عن أسرته واتجوز على سن 30

أنجح مليون مرة من واحد طلع على الدنيا في ظل والده الميسور واتزوج وهو عنده 25

استعرضنا فكرة : متحكمش على نفسك بإنك فاشل وننتظر التعليقات .

اقرا الي :

افضل 7 طرق لتحسين مهاراتك التفاوضية
ما الخطأ في الكذب في مقابلة عمل
اشتغل حتي لو محدش شايفك

التصنيفات: شروحات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *